యూనిఫైడ్ పేమెంట్ ఇంటర్‌ఫేస్ (UPI) యొక్క సురక్షిత వినియోగం
ప్రస్తుత డిజిటల్ కాలంలో డిజిటల్ చెల్లింపులకు UPI అత్యంత ప్రజాదరణ పొందిన సాధనం. UPI అనేది ఒక రకమైన ఇంటర్‌ఆపరబుల్ చెల్లింపు వ్యవస్థ, దీని ద్వారా ఏదైనా బ్యాంక్ ఖాతాను కలిగి ఉన్న ఏ కస్టమర్ అయినా UPI ఆధారిత యాప్ ద్వారా డబ్బు పంపవచ్చు మరియు స్వీకరించవచ్చు. ఫండ్ ట్రాన్స్ఫర్లను సజావుగా ప్రారంభించడానికి మరియు 24/7 ప్రాతిపదికన మరియు సంవత్సరంలో మొత్తం 365 రోజులలో అభ్యర్థనలను సేకరించడానికి వారి స్మార్ట్ ఫోన్‌లోని UPI యాప్‌లో ఒకటి కంటే ఎక్కువ బ్యాంక్ ఖాతాలను లింక్ చేయడానికి ఈ సేవ అనుమతిస్తుంది.
సేవను ఉపయోగించడానికి చెల్లుబాటు అయ్యే బ్యాంక్ ఖాతా మరియు అదే బ్యాంక్ ఖాతాకు లింక్ చేయబడిన రిజిస్టర్డ్ మొబైల్ నంబర్ ఉండాలి. దీని ద్వారా, కస్టమర్ డబ్బు పంపవచ్చు మరియు స్వీకరించవచ్చు మరియు బ్యాలెన్స్ ఎంక్వైరీలు చేయవచ్చు. UPI యొక్క ప్రధాన ప్రయోజనం ఏమిటంటే, ఇది బ్యాంక్ ఖాతా లేదా IFSC కోడ్ లేకుండా డబ్బును ట్రాన్స్ఫర్ చేయడానికి వినియోగదారులను అనుమతిస్తుంది. మీకు కావలసిందల్లా వర్చువల్ పేమెంట్ అడ్రస్ (VPA). మార్కెట్లో అనేక UPI యాప్‌లు ఉన్నాయి మరియు ఇది యస్.బి.ఐ పే, పేటిఎం, ఫోన్పే, తెజ్ మరియు ఇతర యాప్‌ల వంటి ఆండ్రాయిడ్ మరియు iOS ప్లాట్‌ఫారమ్‌లలో అందుబాటులో ఉంది.
చెల్లింపుల కోసం యూనిఫైడ్ పేమెంట్ ఇంటర్‌ఫేస్ (UPI)ని ఉపయోగిస్తున్నప్పుడు పాటించాల్సిన ఉపయోగాలు, ప్రమాదములు మరియు సురక్షితమైన ఆన్‌లైన్ పద్ధతుల గురించి డిజిటల్ వినియోగదారులు తెలుసుకోవడం అవసరం.