ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ (ୟୁପିଆଇ)ର ସୁରକ୍ଷିତ ବ୍ୟବହାର
ବର୍ତ୍ତମାନର ଡିଜିଟାଲ୍ ସମୟରେ ୟୁପିଆଇ ହେଉଛି ଡିଜିଟାଲ୍ ପେମେଣ୍ଟର ସବୁଠାରୁ ଲୋକପ୍ରିୟ ମାଧ୍ୟମ। ୟୁପିଆଇ ହେଉଛି ଏକ ପ୍ରକାରର ପାରସ୍ପରିକ କାର୍ଯ୍ୟକ୍ଷମ (ଇଣ୍ଟରଅପରେବଲ୍) ଦେୟ ପ୍ରଣାଳୀ ଯାହା ମାଧ୍ୟମରେ ଯେକୌଣସି ବ୍ୟାଙ୍କ ଆକାଉଣ୍ଟରେ ଥିବା କୌଣସି ମଧ୍ୟ ଗ୍ରାହକଙ୍କୁ ୟୁପିଆଇ ଆଧାରିତ ଆପ୍ ମାଧ୍ୟମରେ ଟଙ୍କା ପଠାଇ ପାରିବେ ତଥା ତଥା ପ୍ରାପ୍ତ କରିପାରିବେ। ଏହି ସେବା କୌଣସି ବ୍ୟବହାରକାରୀଙ୍କୁ ତାଙ୍କର ସ୍ମାର୍ଟଫୋନରେ ଏକ ୟୁପିଆଇ ଆପରେ ଏକରୁ ଅଧିକ ବ୍ୟାଙ୍କ ଆକାଉଣ୍ଟକୁ ଲିଙ୍କ୍ କରିବାକୁ ଅନୁମତି ଦେଇଥାଏ ଯାହାଦ୍ୱାରା ଫଣ୍ଡ ଟ୍ରାନ୍ସଫରକୁ ସହଜତାର ସହିତ ଆରମ୍ଭ କରାଯାଇପାରିବ ଏବଂ 24/7 ଆଧାରରେ ଏବଂ ବର୍ଷର ସମସ୍ତ 365 ଦିନରେ ସଂଗ୍ରହ ଅନୁରୋଧ କରାଯାଇପାରିବ।
ସେବାର ବ୍ୟବହାର କରିବା ପାଇଁ କୌଣସି ବ୍ୟକ୍ତିଙ୍କ ପାଖରେ ଏକ ବୈଧ ବ୍ୟାଙ୍କ ଆକାଉଣ୍ଟ ଏବଂ ଏକ ପଞ୍ଜୀକୃତ ମୋବାଇଲ୍ ନମ୍ବର ରହିବା ଉଚିତ, ଯାହା ସମାନ ବ୍ୟାଙ୍କ ଆକାଉଣ୍ଟ ସହିତ ଲିଙ୍କ ହୋଇଥିବ। ଏହା ମାଧ୍ୟମରେ ଜଣେ ଗ୍ରାହକ ଟଙ୍କା ପଠାଇ ପାରିବେ ଓ ପ୍ରାପ୍ତ କରିପାରିବେ ଏବଂ ବାଲାନ୍ସ ରାଶି ବିଷୟରେ ଜାଣିପାରିବେ। ୟୁପିଆଇର ମୁଖ୍ୟ ସୁବିଧା ହେଉଛି ଏହା ବ୍ୟବହାରକାରୀଙ୍କୁ ବିନା କୌଣସି ବ୍ୟାଙ୍କ ଆକାଉଣ୍ଟ କିମ୍ବା ଆଇଏଫ୍ଏସ୍ସି କୋଡ୍ ବିନା ଟଙ୍କା ଟ୍ରାନ୍ସଫର୍ କରିବାକୁ ସକ୍ଷମ କରିଥାଏ। ଆପଣଙ୍କୁ କେବଳ ଏକ ଭର୍ଚୁଆଲ୍ ପେମେଣ୍ଟ ଆଡ୍ରେସ୍ (ଭିପିଏ) ଆବଶ୍ୟକ। ବଜାରରେ ଅନେକ ୟୁପିଆଇ ଆପ୍ ରହିଛି ଏବଂ ଏହା ଉଭୟ ଆଣ୍ଡ୍ରଏଡ୍ ଏବଂ ଆଇଓଏସ୍ ଉଭୟ ପ୍ଲାଟଫର୍ମରେ ଏସ୍ବିଆଇ ପେ, ପେଟିଏମ୍, ଫୋନପେ, ତେଜ୍ ଏବଂ ଅନ୍ୟାନ୍ୟ ଆପରେ ଉପଲବ୍ଧ ରହିଛି।
ଡିଜିଟାଲ ବ୍ୟବହାରକାରୀମାନେ ପେମେଣ୍ଟ ପାଇଁ ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ (ୟୁପିଆଇ)ର ବ୍ୟବହାର କରିବା ସମୟରେ ଏହାର ବ୍ୟବହାର, ବିପଦ ଏବଂ ସୁରକ୍ଷିତ ଅନଲାଇନ୍ ଅଭ୍ୟାସଗୁଡ଼ିକ ବିଷୟରେ ଅବଗତ ଥିବା ଆବଶ୍ୟକ।