துவக்கவுரை
டிஜிட்டல் பயனர்கள் QR குறியீடு மோசடிகளைப் பற்றி அறிந்திருக்க வேண்டும், மேலும் அவர்களுக்கு வழங்கப்பட்ட எந்த QR குறியீட்டையும் ஸ்கேன் செய்வதற்கு முன்பும் இருமுறை யோசிக்க வேண்டும், ஏனெனில் அவை இணைய மோசடி செய்பவர்களால் ஏமாற்றக்கூடிய குடிமக்களை ஏமாற்றும் சாத்தியமான கருவிகளாக இருக்கலாம்.
QR குறியீடு பற்றிய தகவல்
‘குயிக் ரெஸ்பான்ஸ்’ அல்லது QR குறியீடு என்பது இரு பரிமாண பட்டை-குறியீடாகும், இது இயந்திரத்தால் படிக்கக்கூடிய ஆப்டிகல் லேபிளாகும், இது இணைக்கப்பட்டுள்ள பொருளைப் பற்றிய தகவல்களைக் கொண்டிருக்கும், மேலும் ஒரு வலைத்தளத்தை அல்லது செயலியைச் சுட்டிக்காட்டும் இருப்பிடங்காட்டி (லொக்கேட்டர்), அடையாளங்காட்டி (ஐடென்ட்டிஃபையர்) அல்லது கண்காணிப்பு கருவியை (டிராக்கரை) வழிநடத்தும். பல கட்டண அல்லது இலவச QR குறியீட்டை உருவாக்கும் தளங்கள் அல்லது செயலிகள் ஒன்றுக்குச் செல்வதன் மூலம், பிறர் ஸ்கேன் செய்து பயன்படுத்தும் வகையில் பயனர்கள் தங்கள் சொந்த QR குறியீடுகளை உருவாக்கி அச்சிடலாம்.
சரியான ரீடர் அப்ளிகேஷன் பொருத்தப்பட்ட கேமரா ஃபோனைக் கொண்ட பயனர்கள், QR குறியீட்டின் படத்தை ஸ்கேன் செய்து உரையை, தொடர்புத் தகவல்களைத் தெரிந்து கொள்ளலாம், வயர்லெஸ் நெட்வொர்க்குடன் இணைக்கலாம், இணையப் பக்கத்தைத் திறக்கலாம், மொபைல் ஃபோனின் உலாவியைப் பயன்படுத்தி கட்டணம் செலுத்தலாம்.